Mon zanfan

In jour mwin va alé
E le jour mwin va alé mon zanfan
I tard pa pou mwin alé
Mé avan mi sava
M’a done aou in bout mon rasine Maloya

Sat avan mwin té koné
Kisa koman kéler
Kel degré d’line pou planté
Pou kel profonder
Sa ti dousman la pousé
Jis ansanm de-lo la plui
Jiskatan in jour
Tel mon zie la poz desi la fleri

In jour mwin va alé…

Sa té pou mwin le jour-la
Si tan telman joli
Kem li té dann fon laba
Mwin té niabou santi
Tel mwin la rod pou trapé
Son loder la ral amwin lwin
Komsi yer jordi
Demin té fé insel anndan mon min

Là mwin la komans shanjé
Là mwin la komans sakouyé
Là mwin la komans dansé
Là mwin la komans sakouyé

Sala pou anbéli
Kom pou anparé
Dann jardin out ker
Sa pou kler out lespri
Met debout soinyé
Néna pwin méyer
In bout i sufi
Pars out ker pa mon ker
Mon zanfan pran swin

In jour mwin va alé

Commentaires

commentaires