Sa mwin la vi
29 Juil 2015Sa mwin la vi sanm mon de zie
Tout in famiy té byinere
Lavé lantant lété telman joli
Sa mi vant mé sa té in famiy
Toulé dimansh la kaz le granmer
Sa banna té manj té bwar té koz té ri té pler
E té tyinbo jiskatan in jour
Na inn la ‘sey plant larjan anndan la kour
Komala
Komala la ‘rivé
Tout in famiy la fané
Sa mwin la vi mwin la antann
Wi la sufi inn anndan la bann
I di pa ryin i di pa li la per
Kosa li devyin i res si ‘a pi granmer
Alor firmézir bann mové lidé
La jalouzi lorgey le dout la instalé
Mem le zarboutan té gainy pi tyinbo
E kan li ‘a largé sénier
Lo kaz lo ter la vol an mil morso
Komala …
Sa kem mwin la vi mwin té ve pa krwar
Mwin té esper té pri pou k’ dan lo pe dawar
Noré inn pou fé banna artrouvé
Noré inn pou fé banna arsoudé
Mé fo krwar an zot famiy mem oté
Zot té krwa pa asé
Komala…
Shakinn la ret son koté
Le do la déviré
An zékli la pété
Sa mwin la vi
Non la pa manter