Kafé Griyé

Wo Kafé Griyé
Out loder touzour ral amwin
Otan k’va ginnyé
Koul aou pou mon ker koman tas plin

Lo zye dann zye wi
Mi wa byin zordi
Mon ker i anbom
Tout somin la vi
Té pou mwin arvni
Artrouv out larom
Ou na pwin légal la pa manter
Na pwin de konm ou mem gou mem valer

Wo Kafé Griyé…

La min dan la min
Sak pa done lo grin
Nout romans lé dou
Lamour i lev an parfin
Fé artourn anou konm moulin
Pi zis terla nwé partou
Dann dra nout listwar n’a po glisé
Kares la mémwar komans souflé
Sak pli lwin out vi
Dann tréfon out ker
Zamé i pe oubliyé

Wo Kafé Griyé…

Trap aou in paké pansé
Dann marmit so anvoyé
Tourné déviré tourné
Ziskatan i pran la kouler
Aprésa kan la fine paré
Moud ali pou la mar ginnyé
Tas dolo bwi inn a inn versé
Gout a gout alala mon lidé boner

Wo Kafé Griyé…