Kapitenn

Gété ousa mi lé
Dann mon kanot oté
Golet d’a min si’a tet sapo la pay
Aster mwin lé paré
Pa mwayin défilé
Fo asimé trap doub koté in méday
M’té ve fé war mwin lé lib
Par mwin-mem mi désid
Mwin osi mon tour mwin lé in bon péser
Mé fo ankor mi swazi
Si mi ve mon kari
Lo bon somin sat i rézone dann ker
Kapitenn mon kanot
Gété mwin-mem

Mé sa la pa sifizan
Fo osi mi koné lo van
Santi war kan li lev koté li vyin
La mod sa pou in tan
Fo rézis lo kouran
Si mi san i fé pa mwin ditou dibyin
Mi oubli pa lo lankraz
Pangar dériv o larz
Koné pi kisa mi lé ousa mi sort
É kan nora tangaz
Loter s’ra pa lékipaz
M’a lev la tet é tyinbo lo kap for
Fyé desi mon zétwal
Rouver lo zye lev lo vwal
Mé si i fo osi mwin va kal trankil dann por
Kapitenn mon kanot
Gété mwin-mem

Sa kanot-la la pa in gran bato
Sa kanot-la lé in pe zis pou mwin
Sa-mem son kalité ek son défo
Tousel in pe difisil alé lwin

Kapitenn mon kanot
Gété mwin-mem

Commentaires

commentaires