Agard aou
25 Juil 2015Anler piton li lé
Lao dann son pansé
Kom in soley li d’bout
Kom in montany li akout
Kom in péi li ve kri li ‘a niabou arivé
Dann bor la mer li lé
Laba dann son pansé
Kom inn ti briz li vyin
Kom in lam li sort lwin
Pou vni anbras son péi
Li ‘é kontan artrouvé
Agard aou ousa ou i ve
Isi laba
Anler lao par tout koté
Anndann fon-la
In mem ler in pansé
Shakinn pou son péi pou révé
Anndan milie la kour
Dan la kaz dann galé
Si la rout dann santié
Dann son pansé bardjour
Kom pou aret lo tan
Kom pou son bann zanfan
Li ‘a pou majine in péi li lé kontan soinyé
Li ‘a pou majine in zistwar nout tout ansanm la pou fé
Li ‘a pou rev in zistwar Liberté
Li ‘a pou rev in péi rénioné
Agard aou…