Ansanm aou
25 Juil 2015Aou isi amwin là
Nou agard anou dann blan d’zie
Le tan la fé son tour
Mé nou la niabou trouvé
Aou isi amwin là
Jiskaler nou té i majine
Mé n’ té koné dann nout fonnker
Le jour-la i té sa’ arivé
Oté
Di amwin siouplé
Kisa ou i lé
Ousa ou i sort
Di amwin siouplé
Kwé ou lé amwin
Aou komsi amwin komsa
Ariv in ler i fo largé
Nou i pran anou dann nout bra
Anou isi anou là
Ariv in ler nout larm i koul
Ni ri ni pler
Lespri le ker
Ansanm i rouver
D’pi l’tan ni asper
Pou d’bout an ker
Ansanm anou
Oté…
Oté
Di amwin siouplé
Kosa ou i ve
Koman ou i port
Di amwin siouplé
Kwé ou lé amwin
Ansanm anou