Banna
25 Juil 2015Mon zanset té lafrikin
Malgash malbar leropéin
Shakinn la vni ek in bout son péi
Kem lavé bonpe soufrans
Oté sa La Rénion son shans
Sak i fé sak li lé lé né la-mem isi
Souvan défwa mi pans
Kwék i fé kri banna
Sa banna ki ve pa ni avans
Ki bat si zot lestoma
Banna la per anou
Ojordi mi koné sak mon zanset la d’amwin
La pa jis in lidé
Pou fé joli pou ret dann kwin
Fo met ali d’a limier done ali son plas
Tout son gayar son klas
In mem valer pou tout sak mi lé
Souvan défwa mi d’mann
Akoz-sa lé koma
Sufi ou i met in pe kréol dovan
Pou i pas kom in koudéta
Banna la per anou
Kik sé nou
Anou bann sak i di Kréol i vo
Dann tout sak li lé ‘na pwin in bout an tro
Anou dann gran ron la sosiété
Nou tir pa le kréol pou kit jis le fransé
Nou di koz ékri manj abiy
Rakont partaj pans viv
An Kréol alon fé vwar banna
Tanzantan mi rev
La pa pou fé sinéma
Nout tout ansanm i lev
Pou di nou ve pi tousala
La pa bezwin z’a per anou koma
Larmoni dann tout sak nou lé
Sa-mem nout fors banna
Banna la per anou