Détaké

Oté ou majine pa yeroswar kwé la ‘rivé
Si l’ twa la kaz in zafer la déboulé
Ler gro fénwar la vni kony si la port
Mwin té a d’mandé kouk té sa se gro dézord
Kem m’avé per ti dousman m’a levé
Pran mon kouraj anndan mon min
M’a détaké

Kansa n’i vwa
Kansa n’i fé
Kansa n’i krwa
Kansa n’i ve
Kansa n’i lé

Kom in nafer la di amwin debouté
Ariv in ler ariv sak na pou arivé
Jiska kéler i barikad
Jiska kéler i ramas
Jiska kéler i kas kontour
Jiska kéler i kour
Té pa premié fwa mwin té i antan se konyé
Mé mwin té jamé levé
E là m’ té ve pi ret anfermé dann kwin
Alor m’a détaké

Mwin la détak mon vi
Mwin la détak mon ker
Mwin la détak mon lespri
Mwin la détak mon ker

E kan la port lété fini rouver
Kouk navé deor
Kouk navé pi anndan
Mwin la rod partou le bébet zafer
Mé li té fine alé
Pars mon vi té fini détaké

Commentaires

commentaires