Granpèr té sï mon zépol
25 Juil 2015Akout amwin dalon ler la ‘rivé pou nou sové aswar
Debout dalon komander sar ‘rivé alon fonn dann fénwar
Nout dë-li té pou marsh katpat ater
Kan ma la ‘tandi la vwa granper di amwin
Atann ali abandone pa li mon zanfan
Atann ali abandone pa li mon zanfan
Atann ali atann ali
Atann ali abandone pa li mon zanfan
Mi gard mon dalon é ni kontinié
Na pou marsh ek la per
Ni ariv obout jis dovan la foré
Ala-là lanfer
E ni désot lo barier ek in pansé pou nout kouler
E ni antan byin lwin dérier lo fuzi lo shyin lo komander
E là lo ker i ser la per lé pli for aster
Nout dë i fé in priyer pou domann Bondie son limier
Alé alé alé alé alé kour (6)
A …dalon …i sèny….i tonm
E là mi rapel
Atann ali abandone pa li mon zanfan…
La raj dann ker ma la met mon dalon si mon zépol
La raj dann ker ma la met mon kouler si mon zépol
E ma la kouri
Ek dë fwa plis la per
Ek dë fwa plis lo ker
Ek dë fwa plis la raj
Lontan i té wa komander par son kouler
Jordi fine ariv innot manier é sé sa i kont
Selman oubli pa in nafer
Les jamé zot kouler ater
Met ali si zot zépol
Atann ali abandone pa li mon zanfan…