Isé
25 Juil 2015Kel bato i kal dann plin milie loséan
I pran la mer pou in basin la Pé lo sikré
Riskab taler kan n’a rod pou alé pli d’van
Nou vwa bann pirat débarké
Alor isé isé isé mon paviyon
Kouler mon péi mon nasion
Pou i koné i vwa byin na ninport ki
Majine demin nou lé pri dann in pir gro tan
Nou la shaviré la pou dérivé dann malizé
Oté koman ou i ve i sov anou
Si mem inn nout bann
I vwa mem pa kisa nou lé
Alor isé…
In bann san kouler sé t-in bann shakinn son koté
In bann san kouler sé t-in bann pli fasil pou amaré
Pli fasil pou divizé pou dominé
Paré pou souké
Dan la mer
Desi la ter
Anler
Mé majine demin nout tout i debout i met ansanm
Tousa joli zafer nou gainyré fé
Alor isé…
Kouler mon péi La Rénion
Kouler mon péi tout nasion