Konmsi
25 Juil 2015Konmsi dann mon fonnker i koz sanm mwin
Konmsi i di d’zafer in sans na pwin wo lé lwin
Konmsi in vwa mi koné
Konmsi oblijé ‘kouté
Konmsi dési la ter ma gainy poz ropoz amwin
Selman si mi gainy done répons kan li di
T’a vni sanm kosa
T’a vni poukwé
Konma to la vni
Konmsi mem san limier i wa shomin
Konmsi mem in douler ryin
Konmsi pou twé lé parey
Konmsi t’a trouv somey
Konmsi lo ker lé kler si ti pran son min
Konmsi pli gran maler
Kan t’a oubliyé antan pi koné pi dann ton fonnker
T’a vni sanm kosa…
E là là
Débat sobat pa
Rod pa pou shapé