Ola

Ola
Get kom la pousier i lev ater-la
Traka i sa déboul kom mové sor
Mé i wa li koné pa amwin kador
Ola
Dovan bébet fénwar la vi mi kour pa
Mi get dann zie dans dovan jiska
Mwin la pa per la mor

Aléwar
Mwin té dann mon li ankor
Rev amwin Toréador
Dann joli kostim an lor
Oté mwin té noré ador

Ola
Riskab i sa gainy douler
I pli in jenou
Riskab i farlang lo ker (mé mi mèt le)
Ola
Ret la-mem pli joli pa la fin
Pa ariv dernié bout
Mé koman ou i fé lo shomin (é mi done le)
Ola
La-mem nout pli gran boner
La pa jis dan le gainyé la vi
Mé dann lo rann ali lo méyer
Ola
Dann mon larène démayaj fénwar
Mi majine dansé mon twal la vi
Dann in bel Corrida
Dann in gran Kabar

Aléwar….

Ola
Na dobout gayar
Na Corrida kabar
Na pil joli
Talon konyaz la vi
Levé shapo
Pou bef toro
Levé levé
Pou Flamenco kabaré
Pilé pilé
Pou Flamenco Kabaré
Ola Ola
Corrida Maloya

Commentaires

commentaires