Mové sor

Somanké na lor…..
Anou n’ tro lontan n’ té i ve fé nou-mem nout « je »
Pou nou vni pli gran k’ natir si la ter antié
Jordi nou lé kom an dë pou alé pli d’van
La vi kom in gran tapi ni jet anou dedan

Anou n’ tro lontan n’ té ti ve pou nou-mem krwar
La vi navé pli d’ sans si ni navé l’ pouvwar
Alor plis i té sava plis i té ve plis
Jiska viv té pi byin asé
Té fo sirtou vni rish
Jordi nout « je » fine kasé ni ve arni ti

Jordi anou k’ i wa tousala ni ve ansorti
Jordi anou k iwa tousala ni ve pran nout shans
Pou nou sort dann lo « je »
Pou nou rant dann la vi
Pou nou sov dann la vi
Pou nou sov protej la vi

Anval anou
Antish anou nout mové sor
Anfou anou
Anmar anou sanm mové sor
Anpesh anou
Anger anou pou mové sor
Anserv anou
Anter anou dann mové sor
Dann mové sor

Somanké na lor…..
Kour anou, fouy anou, fiev anou
Kré anou, vid anou, krev anou
Kas anou, tié anou, jwé anou

Commentaires

commentaires