Dan mon tan

Ou wa sa kozman-la
Tan ti
Mi pe di aou kekfwa
Dan mon zorey mwin la ‘tandi
Sa té kom in moral
Koutfwet foutan bandé
Swa té pou débal
Swa pou ramasé
Alor m’ té majine koman lontan lété
Mé té pa kan mem mon fot si le tan lavé pasé
Kwék li ‘a pou di

Dan mon tan
O wi navé réspé
Demoun navé la santé
Kem nou té mizer
Navé lantant té solider
La vi lété pli joli
Navé pwin tout sak néna jordi
Té fé ek sak navé
Koméla la fine shanjé

Là rod pa pou afronté
Fé pa linsolan
Rod pa pou démayé
Fé pa linosan
Fé pa lo malin
Fé pa lo konéser
Ou la ariv se matin
Banna ‘é là d’pi avan yer
Mé alor sé k’ mi wa mon tour jordi
Kom zot kom in lévolision la vi
Afors nout natir la pi mem fason
Mem kod é mwin lé tanté di an rézon
Kozman banna là té bon
Riskab in jour nou d’mann pardon
Pou d’bon mi di

Dan mon tan…
Mé mi per pars par là m’a fine pasé
Tout lépok néna son bon ek son mové
Dann tan siklone i wa piédbwa byin rasiné
Sak i tyinbo an zarboutan

Dan mon tan
Wo mi lé lé

Commentaires

commentaires