Fe

A TER
Là ou la fé bat mon KER
La fé mon zie rouver
La mèt amwin debout la tir amwin da pousier
Jordi mi apel aou dann 1 priyer

E O
Kilé ou su mon po
Kouraj i koul an flo
Si mon douler i mont
Pou amène amwin pli o
Ojordi lé ler pou mwin ‘ni sak i fo

A VAN
Ki briz mon santiman
Fo mi dépas le tan
A VAN
Ki fé souf amwin anndan
Fo pous amwin devan

FE
FE dann tout mon kor m’a vni
FE dann tout mon léspri m’a vni
FE dann mon zie mon kozé m’a vni
FE dann tout mon KER m’a vni
FE dann tout mon lam m’a vni
FE dann tout sak mi lé m’a vni
FE dann tout mon natir m’a vni
FE dann tout mon vi m’a vni
FE

Commentaires

commentaires