Fonnker
29 Juil 2015Kwek lé plis
1 kares out zye desi mon po
Konm lé zis
1 réyon soley desi d’lo
Kwek lé plis
1 limyer out sourir pou mon zye
Konm lé zis
1 zétwal dann syel pou briyé
Kwek lé plis
1 plézir akout out parfin
Konm lé zis
1 ti briz i souf amwin “vyin”
Kwék lé plis
1 linstan mi pas out koté
Konm lé zis
1 zétwaI i fil an gran V
A la di sa lé dou
Mwin mi di sa lé dir
I di i met anler
Mwin mi di i savir
Mem ou lé for
Mwin mi lé sir
Si ou la tonm anndan là
Mwin mi di na pwin pir
Pou 1 monmon 1 papa 1 zézer
Pou 1 zanfan 1 ser 1 frer
Pou 1 kamarad 1 moun 1 KER
Mwin mi di rod pa plis
Pars lamour samem lé zis !