Fonnker

Kwék lé plis
1 kares out zie desi mon po
Kom lé jis
1 réyon soley desi d’lo

Kwék lé plis
1 limier out sourir pou mon zie
Kom lé jis
1 zétwal dann siel pou briyé

Kwék lé plis
1 plézir akout out parfin
Kom lé jis
1 ti briz i souf a mwin “vyin”

Kwék lé plis
1 linstan mi pas out koté
Kom lé jis
1 zétwaI i fil an gran V

A la di sa lé dou
Mwin mi di sa lé dir
I di i met anler
Mwin mi di i shavir

Mem ou lé for
Mwin mi lé sir
Si ou la tonm anndan là
Mwin mi di na pwin pir

Pou 1 momon 1 papa 1 zézer
Pou 1 zanfan 1 ser 1 frer
Pou 1 kamarad 1 moun 1 KER

Mwin mi di rod pa plis
Pars lamour sa-mem lé jis !

Commentaires

commentaires