Kit amwin sa

Kit amwin mon frajil mon toupé
Mon débord mon trankil ramasé
Mon dézord mon janti ravajé
Kit amwin sa siouplé

Kit amwin mon foli mon kouraj
Mon rézon mon bétiz pou mon laj
Mon majinasion san bor san filé
Kit amwin sa siouplé

Mon vérité sa
Mon liberté amwin sa
Lo réalité mwin lé d’dan
An-sanm mwin zanfan

Kit amwin mon sézi mon gran zie
Mon boush gran rouver kan lé danjere
Kan i fé per kan lé majik mervéye
Kit amwin sa siouplé

Kit amwin mon ker i koz
Anvoyé kom i vyin kom mi san kom i oz
Dor si mon de zorey byin kokiyé
Kit amwin sa siouplé

Mon vérité sa…

La bezwin
Pou alé pli lwin
Aprésié la vi
Son sinp son joli
Kontinié grandi

Mon vérité sa….
Agard, akout, aprann amwin zanfan
Kit amwin sa siouplé

Commentaires

commentaires