Lor mwin noré

Mi koné déja si m’ té rish
D’in kantité larjan i fini pi
Kont kosa mwin noré kap shanjé
Jis arpas in minut out koté
Sa pou tout lor mwin noré

Mi koné kem pou inn ti gine
Si m’ té an kapasité fé in mashine
Pou gainy armont le tan
Arviv bann santiman
Révey la vi anndan
Lé sir mwin noré fé
Sa pou tout lor mwin noré

Té si tan gayar
Kom an kado
Kom si in niaj
Pli vré pli o
E kan navé tangaj
Inn é lot té tyinbo
Mé n’ lé « ke de pasaj »
Sa té out credo
Sa pou tout lor mwin noré

Lé vré souvan défwa mon ker i seny
Mon larm i roul an maloya mon zie i ’tinn
Na kom in blues kom in kriyé depi dann fon anndan
I mont an vérité pou déshir le tan
Sé pars mwin la konpri tro tar tout sak ou lété pou mwin
Jordi dann in fonnker mi larg fé koul tout mon shagrin
Mé gayar souvnir nout de ou sera toujour pli for
Tout douler demin mwin nora ankor
Pou mwin omaj aou
Pou mwin Mersi aou
Pou mwin omaj aou

Té si tan gayar…

Lamour nou navé
Kem té di pa asé pa sa
Le tan n’a pasé
Jamé m’a oubliyé pa sa
Mé pou mwin avansé
Fo pi mi viv dann pasé
Ou sera toujour là
Pou ou lor mwin noré

Wi aou ‘ é lor mwin noré

Commentaires

commentaires