Promes vey si ou

Taler ou ‘a dobout
Ou ‘a mars tousel
Ou ‘a alé pran somin out vi
Telman néna i may ou dout
Riskab ou perd
Mé mi done aou promes vey si ou

Taler si out somin
Ou ‘a tonm dann fénwar
Ou ‘a rod pou trouv 1 limyer
Telman l’tan lé long
Riskab perd lespwar
Mé mi done aou promes vey si ou

Taler la limyer
Néna dann out zye
Plis va ‘lé va ‘lé pou étinn
Telman out manyer war l’monn
Riskab sanzé
Mé mi done aou promes vey si ou

Taler
Ou ‘a krwaz demoun
Néna lé bon KER
Néna lé zalou
Telman
Riskab ve pran aou tout
Mé mi done aou promes vey si ou

Taler tout out KER
Va flanm sanm lamour
Ziska fé la vi in rev
Telman zoli
Riskab la vi lé tro kourt
Mé mi done aou promes vey si ou

Taler 1 zour
Ou ‘a done la vi
E la vi va DÉBORD out KER
Telman ou yem for
Riskab out tour
Ou ‘a sant ali
Promes vey si ou

Commentaires

commentaires