Promes vey si ou

Taler ou ‘a debout
Ou ‘a marsh tousel
Ou ‘a alé pran shemin out vi
Telman néna i may ou dout
Riskab ou perd
Mé mi done aou promes vey si ou

Taler si out shemin
Ou ‘a tonm dann fenwar
Ou ‘a rod pou trouv 1 limier
Telman l’tan lé long
Riskab perd lespwar
Mé mi done aou promes vey si ou

Taler la limier
Néna dann out zie
Plis va ‘lé va ‘lé pou étinn
Telman out manier war l’monn
Riskab shanjé
Mé mi done aou promes vey si ou

Taler
Ou ‘a krwaz demoun
Néna lé bon KER
Néna lé jalou
Telman
Riskab ve pran aou tout
Mé mi done aou promes vey si ou

Taler tout out KER
Va flanm sanm lamour
Jiska fé la vi in rev
Telman joli
Riskab la vi lé tro kourt
Mé mi done aou promes vey si ou

Taler 1 jour
Ou ‘a done la vi
E la vi va DEBORD out KER
Telman ou yem for
Riskab out tour
Ou ‘a shant ali
Promes vey si ou

Commentaires

commentaires