Shakinn son vals

Shakinn son manier
Rogard la vi dousman koulé
Pou 1 kom 1 rivier
Pou lot kom 1 bato
Mé tout fason
Fo fé 1 rézon
‘Wa kwék i lé la vi
Kan li lé lwin laba
Si lorizon pou sak i get isi

Shakinn son fason
Rogard soley dor si la vi
1 boner le tan té long
1 maler pou tro vitman fini
Mé tout manier
1 bato in rivier
‘Wa koman i lé la vi
Kan li lé lwin laba
Si lorizon pou sak i get isi

Shakinn son lorizon
Son filozofi “KER i vals ek rézon”
Mem jis pou jordi
Mové ou bon
Tanpi ou tanmie
I fé toujour
1 lorizon pou sak i get isi

I ret aster
Pou ‘war lot manier
Pou sak lé si l’bato la vi
Kan li lé lwin laba
Si lorizon koman k’ou lé isi osi

Shakinn son lorizon…

Shakinn son manier…
Shakinn son fason…
Shakinn son lorizon…
Shakinn son filozofi…
Shakinn son vi…
Shakinn son shakinn
Shakinn son vals

Commentaires

commentaires