Aswar pou nou briyé
12 Déc 2025Pa mem kouler pa mem langaz largé
Pa mem Bondye pa mem bordaz viré
Mé kem dinn fénwar kem an misouk sapé
Filé aswar pou lev lo dout falé
Aswar pou nou briyé
Tel zétwal an lor
Pou nou di lamour vré
I viv pa dann remor
É si aswar nout dernyé
Alon yem la vi pli for
Pa mem lélan pa mem somin
La ginnyé oubyin la volé
Pa mem ran pa mem lavantaz pa mem domin
Pa mem lwa mantalité
Kem i mont lo dwa i get an traver
I koz deryer pou malparlé
Po nou na pwin lo swa nout ker lé kler
É si na pwin la limyer n’a fé
Aswar pou nou briyé…
É anou na mem rev na mem lespwar
In zour taler fo krwar la senn-la va kasé
É domoun nora ankor an mémwar
De zamoure la désid in swar briyé
D’pi l’tan d’pi lao si tout zamoure z’a po véyé
Aswar pou nou briyé…