Kwek sé sa

Zordi p’di kisak i lé
Paré pou asimé
Baskil an mod vayan
Li ve dévwal son natir
Lanver tout koutir
Deor konm dedan
Néna de trwa sar sot anler
Sar rant dann in gran sézisman
Kwek sé sa

Ma la pi ler pou kalkilé
Sak té désiré
Fané dann katvan
Té tout in listwar
Po alé rodé
Fouy d’a mémwar
Par bout arkolé
Fé insel tenan
Ékri nwar si blan
Pou di lo vérité
Tout lo vérité
Riyink lo vérité
Kem so lidantité
So lib antité
I fé pa lo linanimité
Kem i déranz
Néna de trwa sar sot anler
Sar rant dann in lespes zizman
Kwek sé sa

Ma la pa sa pou touf son boner
Té atann sa d’pi telman lontan
Li san ali lézé
Lanvi partazé
D’ali in « kwek sé sa » d’kontantman
Alé, siouplé
Kouraz ek la zwa
Kwek sé sa

Ozé, lézé Kwek sé sa

Commentaires

commentaires