La pli-la i vyin

La pli-la i vyin
Lo ker telman lour té
Pou tonm an gro grin
Konm i roul dan mon zye
Out min san lémyinn
Koman sa la fé pou arivé
Soley la étenn
Tel nou la largé

Tousa bon tan nou la pasé
Zoli zimaz dann ker gravé
Tousa fou-rir tousa mo dou
Tousala té vré
Kan navé bezwin in zépol
Nou té touzour là inn pou lot
Nadfwa n’té res mem san kozé
Nou té ansanm té asé

La pli-la i vyin…

Nou té konpran anou telman byin
Ant nout de navé plis k’in lyin
Té konmsi té dépas anou
Tousala té vré
Mé pou mwin lé difisil lé dir
Mon ker i senny i désir
Trouv in rézon lé konpliké
Mé i fo byin aksepté
Out ker out vi i apartyin
Aou tousel sa la pa amwin
Si out boner la fine innot koté
I fo byin ou i sar rodé

La pli-la i vyin…

Si na pi riyin
Ant nou pou arivé
Non si na pi riyin
Mi yem aou asé
Po les aou alé
Po kit la pli-la tonbé

Wi la pli-la i vyin