Mi ve pa oubliyé

Si domin
Mi perd somin
Kwé pou fé
Artrouv amwin la kaz gaté
Mi pran out min
Tyinbo out rin
Mi arkoné
La po zwé nout mizik préféré
Gété la limyer po alimé
Tout i arvyin an ord
Gété tipa tipa m’po arivé
Mwin lé dovan la port

Sak n’a dansé
Sak n’a santé
Sak n’a émé lor lor lor lor
Mi ve pa oubliyé

Là isi
Nout zordi
Tro zoli
Tousa boner bonpe la sans
Là ni tonm ni ri
Là ni koz la vi
Sonny ali
Ramas ali pou kado gayar souvnans
Gété la limyer la alimé
Koman mon ker i débord
Gété tipa tipa m’la arivé
M’a po rouver la port

Sak n’a dansé…

Nou get anou zye dann zye
Moman-la lé présye
Konm in rev in réalité
Sa tanou lé gravé
Dan mon ker dan mon kor
Dan mon lam dan mon vi la maladi mem la mor
Lé pa kab éfasé
Sa pou léternité
Nou koné kisa nou lé
Touzour ankor

Sak n’a dansé…
Sa zamé mi ve pa oubliyé

É si domin
Tro sagrin
Nou koné si i zwé nout mizik préféré

Commentaires

commentaires