Sé là

Yélé yololo yélé

La vi té ak amer
Lo ker lété an dézord
Zidé té alanver
Mé té falé té ansort
Dobouté sort dan la kol
Avansé arpran l’kontrol

Sé là
Ou koman kado desi mon somin
M’a pa domandé mé la akord amwin

La anvi vni méyer
Sanm ou zordi lé dou
Na plis la limyer
I ginny war ziska domin partou
Dousman Dousman
Na tout in foli ant nou la alimé Vitman vitman
Navé tout bon rézon pou nout de kolé
É arrévé kek zoli soz
Artrouvé la vi lé roz

Sé là
Ou koman kado la vi sa destin
Nout de n’a tyinbo séré n’a pran swin

Gran Mersi pou boner-la
Mwin va bwar ali tank li va koulé va
É ramasé osi dan nout zarlor
É argouté kan soley sera in pe tro for

Sé là…
Nout de nout de, lé vré lé vré, kolé kolé, tyinbo séré

Yélé yololo yélé
Aou-la koté mwin
Koman kado pou mwin

Commentaires

commentaires