Tanto

Tanto di aou mwin va vni tanto
Tanto wa war amwin débarké
Byin kostimé zoli sapo
Wi in zour po ou mwin va levé
Lo zour-la mwin sora fini zennzan
Somanké mem in pe zéné
Mé mwin va vni fé mon domann an galan
Siouplé fé pa kour amwin koutgalé

Aou-mem aou-mem
Sanm aou-mem mi koné
Aou-mem aou-mem
Sanm aou mwin va maryé

Tanto di aou mwin va vni tanto
Mé avansa m’a rod in plas travay
Pou mwin osi asiré konm ki fo
Aprésa nou va mazine marmay
Toulézour innot soley
Toulézour lamour nouvo
Na pwin riyin ki flanm parey
Tank out min sanm lémyinn i tyinbo

Aou-mem aou-mem…

E kan nora dézord
Kan loraz va rod pou gronny in kou
N’a fé an sort li pas mé anou nou res touzour

Tanto di aou mwin la vni tanto
Tanto ou la vi mwin la débarké
Byin kostimé zoli sapo
Lo zour-la po ou mwin la levé

Aou-mem aou-mem
Sanm aou mwin té koné
Aou-mem aou-mem
Sanm mwin la maryé

Commentaires

commentaires